Articles-
1) සියලු සේවාවන්ගෙන් පරිපූර්ණ කොළඹ ජාතික රෝහල
2) සිය දහසකගේ දිවි ගලවා දුන් ජාතික රෝහලේ හදිසි අනතුරු ඒකකය
3) පිළිස්සීමෙන් හානි වූ ජීවිත රැක දෙන ජාතික රෝහලේ පිළිස්සුම් ඒකකය
4) ස්නායු රෝග සඳහා සියලු පරික්ෂණ කෙරෙන ජාතික රෝහලේ සිනායු රෝග ඒකකය
Dinamina - Aarogya article - 09th June 2010
සියලු සේවාවන්ගෙන් පරිපූර්ණ කොළඹ ජාතික රෝහල
ජාතික රෝහලේ උදෑසන 7.00 සිට සවස 6.00 දක්වා බාහිර රෝගී අංශයෙන් ඕනැම රෝගියෙකුට ප්‍රතිකාර ලබාගැනීමට හැකියාව තිබේ. සෙනසුරාදා පෝය දිනවලත්, රජයේ අනෙකුත් නිවාඩු දිනවලත්, උදෑසන 8.00 සිට දහවල් 12.00 දක්වා ප්‍රතිකාර ලබාගත හැකිය.
ජාතික ධනයෙන් අති විශාල මුදලක් වැය කෙරෙන්නේ මෙරට සෞඛ්‍ය පහසුකම් වැඩි දියුණු කරලීමටය. ඒ ජනතාවගේ සුබසිද්ධිය සඳහා ය. එහෙත් තමන් වෙනුවෙන් රජය නොමිලයේ සපයනු ලබන වෛද්‍ය පහසුකම් ලබාගන්නේ කීයෙන් කී දෙනාද? එයට හේතුව එම වෛද්‍ය පහසුකම් ලබා ගැනීමේ ක්‍රියාවලිය පිළිබඳ ජනතාව තවමත් හරි හැටි නොදැන සිටීම ය.
 |
රෝහල් අධ්යක්ෂ වෛද්‍ය
හෙක්ටර් වීරසිංහ මහතා
|
ශ්‍රී ලංකා ජාතික රෝහල අපගේ ප්‍රධානම රෝහලයි. ජාතික රෝහලක් යනු සියලු සම්පත්, විශේෂ සංඥා සේවා හා වෙනත් පහසුකම් ඇති පූර්ණ සේවාවක් ලබාදිය හැකි සෞඛ්‍ය අධ්‍යාපන ආයතනයක් ලෙස ද ක්‍රියාත්මක කළ හැකි රෝහලකි.
අපගේ ජාතික රෝහල කොළඹ නගරයේ අක්කර 32 ක් පුරා විහිදී තිබේ. වාට්ටු 75 ක්, ශල්‍යාගාර කාමර 35 ක්, දැඩි සත්කාර ඒකක 12 කින් ද එය සමන්විත ය. එමෙන් ම වෛද්‍ය - හෙද විද්‍යාලවලින් ද, පශ්චාත් උපාධි වෛද්‍යවරුන් සම්බන්ධීකරණය කිරීමේ වැඩපිළිවෙළකින් ද, වෙනත් සෞඛ්‍ය අධ්‍යාපනික දැනුම ලබා දෙන වැඩසටහන් ක්‍රියාත්මක කරනු ලබන ආයතනයකින් ද සමන්විත ය.
ඉතා කුඩා රෝහලක් ලෙස 1864 දී ආරම්භ වූ “කොළඹ මහ ඉස්පිරිතාලය” අද ශශ්‍රී ලංකා ජාතික රෝහල ලෙස නවීන අංගෝපාංග රැසකින් සමන්විතය. එය මෙරට ප්‍රධානම තෘතීය රෝහල බවට පත්ව ඇත. තෘතීය රෝහලක් ලෙස ගැනෙන ජාතික රෝහලෙන් ප්‍රතිකාර ලබාගැනීම සඳහා යොමුවිය යුත්තේ වෙනත් රෝහල්වලින් ප්‍රතිකාර ලබා, විශේෂඥ ප්‍රතිකාර අවශ්‍ය රෝගීන්ය. එහෙත් බාහිර රෝගී අංශය වෙත සියලු ම ආකාරයේ රෝගීන් යොමුවීම කැපී පෙනෙන තත්ත්වයක් ලෙස සැලැකිය හැකිය.
ජාතික රෝහලට පිවිසෙද්දී පළමුව අපට මුණගැසෙන්නේ බාහිර රෝගී ප්‍රතිකාර අංශයයි. මේ අංශයෙන් ශශ්‍රී ලංකාවේ ඕනෑම ප්‍රදේශයක රෝගියෙකුට ප්‍රතිකාර ලබා ගැනීමේ පහසුකම් සලසා ඇත. උදෑසන 7.00 සිට සවස 6.00 දක්වා බාහිර රෝගී අංශයෙන් ප්‍රතිකාර ලබාගැනීමට හැකියාව තිබේ. සෙනසුරාදා සහ පෝය දිනවලත්, රජයේ අනෙකුත් නිවාඩු දිනවලත්, උදෑසන 8.00 සිට දහවල් 12.00 දක්වා ප්‍රතිකාර ලබාගත හැකි ය.
බාහිර රෝගී අංශයට පැමිණෙන රෝගීන් පළමුව කළ යුතු වන්නේ පිළිගැනීමේ කවුන්ටරයෙන් අංකයක් (තුණ්ඩුවක්) ලබාගැනීමයි. ඉන්පසු 15 කාමරයේ සිටින වෛද්‍යවරුන් හමුවී, තමන්ගේ රෝගී තත්ත්වය ප්‍රකාශ කිරීම කළ හැකි ය. මේ අංශයේ දිනකට වෛද්‍යවරු කීපදෙනෙකුම රෝගීන්ට ප්‍රතිකාර ලබාදීම නිසා, ප්‍රමාදයකින් තොරව ප්‍රතිකාර ලබා ගැනීමේ පහසුකම තිබේ.
වෛද්‍යවරයාගේ පරීක්‍ෂණයෙන් පසු වැඩිදුර ප්‍රතිකාර අවශ්‍ය නම්, බාහිර රෝගී අංශයේ පවත්වාගෙන යන සායන සඳහා රෝගියා යොමු කිරීමත්, නේවාසික ප්‍රතිකාර අවශ්‍ය රෝගීන් නේවාසික ප්‍රතිකාර සඳහා යොමු කිරීමත් සිදුකෙරේ. බාහිර රෝගී අංශයෙන් පමණක් ප්‍රතිකාර ලබාගන්නේ නම්, නොමිලේ බෙහෙත් ලබාදීම ද සිදුකරයි.
බාහිර රෝගී අංශය මගින් රෝගියාට අවශ්‍ය සියලු පරීක්ෂණ නොමිලේ සිදුකිරීම ද ඉතා වැදගත් . ඒ සඳහා දැඩි සත්කාර ඒකකය (ETU) , ශල්‍යාගාරයක්, එක්ස්රේ කාමරයක්, රසායනාගාරයක්, එන්නත් ඒකකයක්, තුවාල සඳහා බෙහෙත් දැමීමට අංශයක් මෙන් ම පෙනහළු හා ලාදුරු සඳහා ප්‍රතිකාර කිරීමට අංශයක් ද, ජලභීතිකා පාලන ප්‍රතිකාර ඒකකයක්, සෞඛ්‍ය අධ්‍යාපන ඒකකයක් බාහිර රෝගී අංශයේ පිහිටා ඇත.
මෙයට අමතරව ඕනෑම හදිසි රෝගියෙකුට ප්‍රතිකාර කිරීම සඳහා පැය 24 පුරාම ක්‍රියාත්මක වන ඒකකයක් ද, බාහිර රෝගී අංශයේ 16 කාමරයේ ක්‍රියාත්මක වේ. මෙහි පැය 24 පුරා ම වෛද්‍යවරයෙකුගේ සේවය සපයා ඇත.
දුමින්ද සම්පත්
සිය දහසකගේ දිවි ගලවා දුන් ජාතික රෝහලේ හදිසි අනතුරු ඒකකය
ජාතික රෝහලේ අධ්යක්ෂ, වෛද්‍ය
හෙක්ටර් වීරසිංහ |
ට්‍රීං ... ට්‍රීං ... කොළඹ ජාතික රෝහලේ දුරකථනය නාද වෙන්නට පටන් ගත්තේය. “කොළඹ මහ බැංකු ගොඩනැගිල්ලේ බෝම්බයක් පුපුරලා” රෝහලේ හදිසි අනතුරු අංශයට පොලීසියෙන් දුරකථන ඇමතුමක් ලැබුණි. හෙණ හඬ දෙමින් පිපිරුණු බොම්බයේ දෝංකාරය රෝහලට ද දැනී තිබුණි. රෝහලේ සියලු ගේට්ටු විවර වුණි.
ගිලන් රථ සියල්ල මහ බැංකු ගොඩනැගිල්ල දෙසට වේගයෙන් ඇදී ගියේය. රෝහල් සේවකයන් රෝද පුටු, ට්‍රොලි රැගෙන හදිසි අනතුරු අංශය ඉදිරිපිටට පැමිණියේ ය. විශේෂඥ වෛද්‍යවරු, ශල්‍ය වෛද්‍යවරු, සහායක වෛද්‍යවරු, හෙද කාර්ය මණ්ඩලය හා සුළු සේවකයන් මෙන් ම, අනෙකුත් අංශවල කාර්ය මණ්ඩලය ද හදිසි අනතුරු අංශයේ සේවයට කැඳවූහ. හදිසි අනතුරු ඒකකය මාධ්‍යවේදීන්ගෙන් පිරී ගියේය.
කැමරා ආම්පන්න රැගත් මාධ්‍යවේදීහු ඇති වී ඇති තත්ත්වය නිවැරැදිව වාර්තා කිරීමට ස්ථානගත වූහ. ගිලන් රථ හඬින් රෝහල් පරිශ්‍රය එක ම අෙඳීනාවක් විය. ගිලන් රථ, රෝහල් හදිසි අනතුරු අංශයට ඇතුල් වීමත් සමඟ, ට්‍රොලි සහ රෝද පුටු රැගත් රෝහල් කාර්ය මණ්ඩලය ගිලන් රථවල සිටියවුන් රැගෙන ට්‍රියාජ් ඒකකයට එක පිම්මේ දිව්වේය.
දරුණු තුවාල ලැබූවන්ගේ අත්පා බිදී ගොස් තිබුණි. සිහිසන් වුවන්ට කෘත්‍රිම ශ්වසනය ලබා දීමට රෝහල් කාර්ය මණ්ඩලය දැඩි වෙහෙසක් ගත්තේය. පිළිස්සුම් තුවාල ලැබූවන් රැසක් ද සිටියේය. ට්‍රියාජ් ඒකකයේදී හෙද කාර්ය මණ්ඩලය රෝගීන්ගේ අවධානම් තත්ත්ව අනුව වෙන් කිරීම් කළේය. ඉන් අනතුරුව කඩිනම් ප්‍රතිකාර සඳහා රෝගීන් යොමු කෙරිණි.
පොලීසිය, ත්‍රිවිධ හමුදාව සහ මැති ඇමැති වරුන්ගෙන් මෙන් ම, රෝගීන්ගේ ඥාතීන්ගෙන් සහ අනතුර දැක ගැනීමට පැමිණි සාමාන්‍ය ජනතාවගෙන් ද ජාතික රෝහලේ හදිසි අනතුරු ඒකකය අතුරු සිදුරු නැතිව පිරී ගියේය. ජාතික රෝහලේ හදිසි අනතුරු ඒකකයට එකවර ඇතුළත් කළ වැඩි ම රෝගීන් සංඛ්‍යාව 1500කි. එවැනි රෝගීන් සංඛ්‍යාවක් ඇතුළත් කළේ කොටි ත්‍රස්තවාදීන් විසින් 1996 වසරේ ජනවාරි 31 දින මහ බැංකු ගොඩනැගිල්ලට එල්ල කළ බෝම්බ ප්‍රහාරය හේතුවෙනි.
මෙරට සිදුවූ විවිධ හදිසි අනතුරු අවස්ථාවලදි ජීවිත රැසක් බේරා දීමට දායක වූ කොළඹ ජාතික රෝහලේ හදිසි අනතුරු අංශයෙන් සිදුවන සේවාව පිළිබඳ, ජාතික රෝහලේ අධ්යක්ෂ වෛද්‍ය හෙක්ටර් වීරසිංහ මහතා අදහස් දැක්වූයේ මෙසේයි.
හදිසි අනතුරු ඉතිහාසයේ මෙතෙක් සිදුව ඇති බරපතළම සහ වැඩි ම රෝගීන් සංඛ්‍යාවක් මේ ඒකකයට ඇතුළත් කළේ කොළඹ මහ බැංකු ගොඩනැගිල්ලට එල්ල වූ ත්‍රස්තවාදී ප්‍රහාරයෙන් .
ඒ අවස්ථාවේදී අපි මුළු රෝහලම ඊට අවශ්‍ය ලෙස සකස් කළා. ශල්‍යාගාර සියල්ල, වාට්ටු සියල්ල මේ අනතුර වෙනුවෙන් රෝගී වූවන් සඳහා වෙන් කළා. රෝහලට ඇතුළත් කළ සියලු ම රෝගීන්ට නිසි ප්‍රතිකාර දීමට අපට හැකි වුණා. ජීවිත රැසක් බේරා ගන්නට හදිසි අනතුරු අංශයේ කාර්යක්‍ෂම සේවාව නිසා හැකි වී තිබෙනවා.
ශ්‍රී ලංකාවේ ප්‍රථම වතාවට හදිසි අනතුරු අංශයක් බිහිවුණේ කොළඹ මහ රෝහලේයි. 1965 වසරේ, එතරම් පහසුකම් නොමැතිව මේ ඒකකය පටන් ගත්තා. 1990 දී පින්ලන්ත රජයේ පරිත්‍යාගයක් හැටියට මහල් 8ක ගොඩ නැගිල්ලක් ලැබුණා. ඉන් අනතුරුව මේ ඒකකය ශීඝ්‍ර දියුණුවක් ලැබුවා. නවීන පහසුකම්, බෙහෙත් ද්‍රව්‍ය මෙන්ම පුහුණු ශ්‍රමිකයන්ගෙන් ද අද වන විට ඉතා හොඳ තත්ත්වයක මේ ඒකකය තියෙනවා. රටේ ඕනෑම හදිසි තත්ත්වයකදී හොඳ සේවයක් ලබා දීමේ හැකියාව මේ ඒකකය සතුයි.
ශල්‍යාගාර ඇඳන් 7ක් , දැඩි සත්කාර ඒකක 2ක්, බාහිර රෝගී අංශයක් හා වාට්ටු සංකීර්ණයක්, හදිසි අනතුරු අංශයේ පවත්වාගෙන යනවා. ඇඳන් 248 කින් සමන්විත විකලාංග වාට්ටු 06ක් තිබෙනවා. පිරිමි හා ගැහැනු වාට්ටු දෙක ඇඳන් 92කින් සමන්විතයි. ජාතික රෝහලේ හදිසි අනතුරු අංශයෙන් වසරකට ප්‍රතිකාර ලබා ගන්නා ප්‍රමාණය ලක්‍ෂය ඉක්මවනවා.
මේ ඒකකයට ඇතුළත් වන රෝගීන් මුලින් ම එන්නේ ට්‍රියාජ් ඒකකයටයි. (Triag and in formation ) මෙහිදී රෝගීන් වර්ගීකරණය කරනවා. රෝගියාගේ අසාධ්‍ය තත්ත්වය සැලකිල්ලට ගෙන, අවශ්‍ය වෛද්‍ය ප්‍රතිකාර තීරණය කරන්නේ මේ ඒකකයෙන්. ඉතා අසාධ්‍ය, අවදානම් රෝගීන්ට ප්‍රමුඛස්ථානය ලැබෙනවා. ඔවුන් සඳහා කඩිනම් ප්‍රතිකාර ලබා දිය යුතුයි. අසාධ්‍ය තත්ත්වයට පත්වෙමින් සිටින රෝගීන් දෙවැනි කොටසට ගැනෙනවා. අවසාන කොටසට ගැනෙන්නේ ජීවිතයට හෝ ශරීර අංගවලට අවදානමක් නැති අයයි.
මේ ඒකකයේ සේවය සඳහා හදිසි අනතුරු සම්බන්ධව විශේෂ පුහුණුවක් ලැබූ හෙද කාර්ය මණ්ඩලයක් සිටිනවා. ඒ අය රෝගියෙක් ඇතුළත් කළ වහාම රෝගියාට සිදුව ඇති අනතුරේ ස්වභාව, ශරීර අභ්‍යන්තර තුවාල තත්ත්වය, ශරීරය පිළිබඳ ව්‍යච්ජේද තත්ත්වය, ශරීර අංගයන්ගේ විකෘතිතා, වයස, පිරිමි ගැහැනු බව, අනුව රෝගී තත්ත්වයට විනිශ්චයක් දෙනවා.
ට්‍රියාජ් ඒකකයෙන් පසු රෝගීන් ඇතුළත් කෙරෙන්නේ හදිසි අනªතරු අංශයේ බාහිර රෝගී අංශයටයි. ප්‍රති ජීවන කාමරය ලෙස හැඳින්වෙන මේ ඒකකය මඟින් , ජීවිතයත්, මරණයත් අතර සිටින රෝගීන් සඳහා කඩිනම් ප්‍රතිකාර ලබා දෙනවා.
පිට කොන්දේ අනතුරු හා ඇවිද ගැනීමට අපහසු රෝගීන් සඳහා ට්‍රොලි ඒරියා (Trolley Area ) හි දී කඩිනම් ප්‍රතිකාර ලබාදිය යුතුයි. අනතුරේ ස්වභාවය මත ට්‍රොලිය තුළදී ම ප්‍රතිකාර ලබාදිය යුතු නම්, මෙහිදී ප්‍රතිකාර කළ යුතුයි. හදිසි අනතුරු අංශය සතුව වෙනම එක්ස්රේ පහසුකම්,C. T හා M.R.I ස්කෑන් පහසුකම් තිබෙනවා.
අසාධ්‍ය රෝගීන් මෙන් ම, අසාධ්‍ය නොවන රෝගීන් ද මේ ඒකකයට ඇතුළත් කරනවා. අසාධ්‍ය රෝගීන් ශල්‍යාගාර ප්‍රතිකාර සඳහා යොමු කර, අසාධ්‍ය නොවන රෝගීන් වාට්ටු ප්‍රතිකාර සඳහා යොමුකරනවා. දැඩි සත්කාර අවශ්‍ය රෝගීන් ඒ සඳහා යොමු කරනවා. යම් රෝගියෙක් සඳහා නේවාසික ප්‍රතිකාර අවශ්‍ය නැතිනම්, හදිසි අනතුරු ඒකකයෙන් ප්‍රතිකාර ලබාගෙන පිටව යා හැකියි.
මේ සේවාව පැය 24 පුරාම ක්‍රියාත්මක වෙනවා. මහා මාර්ග, නිවසේ, සේවා ස්ථානයේ, ක්‍රීඩා පිටියේ හිංසන ක්‍රියා, වැටීම් සහ වෙනත් අනතුරු නිසා පීඩාවට පත් රෝගීන් මේ ඒකකයෙන් ප්‍රතිකාර ගන්නවා. සෑම රෝගියෙක් සඳහා ම මේ ඒකකයේ ඇති ලේ බැංකුවෙන් නොමිලේ ලේ සැපැයෙනවා. නීතිමය කටයුතු සඳහා මේ ඒකකයට අනුබද්ධව පොලීසියක් පිහිටුවා තිබෙනවා.
යුද වාතාරවණ සමයේ මේ ඒකකය මඟින් ජීවිත රැසක් බේරා ගත්තා. සමස්ත රෝහල් කාර්ය මණ්ඩලය දිවා රාත්‍රී කැපවීම් කළා. යුද වා
තාවරනය පහව ගියත්, වෙනත් ඕනෑම හදිසි ආපදා තත්ත්වයකට මුහුණදීමේ හැකියාව අප සතුයි. සාමකාමී පරිසරයක වුණත් ,මහා පරිමාණ අනතුරු වෙන්න පුළුවන්. අපි අපේ සූදානම දිගටම පවත්වාගෙන යනවා.
තාවරනය පහව ගියත්, වෙනත් ඕනෑම හදිසි ආපදා තත්ත්වයකට මුහුණදීමේ හැකියාව අප සතුයි. සාමකාමී පරිසරයක වුණත් ,මහා පරිමාණ අනතුරු වෙන්න පුළුවන්. අපි අපේ සූදානම දිගටම පවත්වාගෙන යනවා.
මේ රෝහල ඇතුළත නේවාසිකාගාර තිබීම, විශාල වෛද්‍ය කණ්ඩායමක් හා කාර්ය මණ්ඩලයක් සිටීම අපේ සේවාව පහසු කරවන්නක්. හදිසි අනතුරක පණිවිඩය අපට ලැබුණු විගස, රෝගීන්ට ප්‍රතිකාර ලබා දීමට අවශ්‍ය උපකරණ, කාර්ය මණ්ඩලය, මේ අංශයට කැඳවීමේ හැකියාව තිබෙනවා.
රෝගීන් ප්‍රවාහනයට අවශ්‍ය ට්‍රොලි, රෝගීන්ට අවශ්‍ය ඖෂධ හා අනෙකුත් උපකරණ වෙනත් කාර්යයන්ට නොගෙන වෙනම ගබඩාකර තිබෙනවා. හදිසි අවස්ථාවකදී ගබඩාවේ යතුර පමණයි අවශ්‍ය වන්නේ. සෑම දෙයක්ම පැය 24 පුරා ම ගබඩා කර තිබෙනවා. සෑම වාට්ටුවකම, ශල්‍යාගාරයකම හදිසි අවස්ථාවකදී ගැනීමට අවශ්‍ය සියලු දේ තැන්පත් කොට තිබෙනවා. ඒවා ප්‍රයෝජනයට ගන්නේ හදිසි අවස්ථාවකදී පමණයි. රෝගීන් 400කට පමණ එකවර ප්‍රතිකාර කිරීමේ පහසුකම් මේ ඒකකය සතුයි.
කොළඹ සිදුවන ඕනෑම හදිසි අවස්ථාවකදී රෝගීන් රෝහලට ගෙන එන ආකාරය පිළිබඳ කොළඹ නගර සභාවේ ගිනි නිවන ඒකකයට අප පුහුණුවක් ලබා දුන්නා. හදිසි අවස්ථාවකදී එම ස්ථානයට කඩිනමින් ළඟා විය හැකි ගිලන් රථ පවා මේ ඒකකය සතුයි. දුරකථන අංක 110 ට කතා කළ විගස ඔවුන් අනතුර සිදුවු ස්ථානයට පැමිණෙනවා.
දැනට කොළඹ නගර සභාවේ පමණක් ක්‍රියාත්මක මේ සේවාව, අනෙකුත් පළාත්වලටත් ප්‍රචලිත කළ යුතුයි.
හදිසි අනතුරු පිළිබඳ හා එවන් අවස්ථාවකදී ක්‍රියා කළයුතු ආකාරය පිළිබඳ රෝහල් කාර්ය මණ්ඩල, පොලීසිය දැනුවත් කිරීමට විශේෂ පුහුණු කිරීම් ඒකකයක් ද මේ අංශය සතුවෙනවා.
දුමින්ද සම්පත්
ඡායාරූප - ගයාන් පුෂ්පික
Article - 13th October 2010
දැනට මේ ඒකකය සතු සම්පත් රෝගීන්ට ප්‍රතිකාර ලබා දීමට ප්‍රමාණවත් නැහැ. මේ ඒකකයේ සිටිය යුතු බොහෝ රෝගීන් නවතා ඉන්නේ ජාතික රෝහලේ වෙනත් ශල්‍ය වාට්ටුවලයි.
පිළිස්සුම් රෝගියෙක් රෝහලට ඇතුළත් කළ පළමු අවස්ථාවේ දීම කළ යුත්තේ ගලා යන ජලයෙන් විනාඩි 20 ක් ශරීරයේ පිළිස්සුනු ස්ථානය සෝදා හැරීමයි. ඒ දේ රෝගියා රෝහලට ගෙන ඒමට පෙර කළ හැකි නම් වඩාත් සුදුසුයි. මෙසේ ඇල් ජලයෙන් පිළිස්සුනු ස්ථානය සෝදා හැරීම නිසා දිය පට්ට එනවා යැයි සමහරු කියනවා.
ඇසිඩ් ප්‍රහාරවලට ලක් වුවන්ගෙන් 90% කට හේතුව පෙම් සබඳතා හෝ අනියම් පෙම් සබඳතායි. එහිදී වැඩිම හානිය සිදුවන්නේ කාන්තාවන්ට වීම විශේෂයි. ඇසිඩ් ප්‍රහාරවලින් වැඩි ප්‍රමාණයක් සිදුව ඇත්තේ යම් කෙනෙක් විරූපී කිරීම සඳහා දැරූ උත්සාහයන් බව අපට පෙනී ගොස් තිබෙනවා.
පීඩන ඇඳුම් ඇන්දවීමෙන් අනතුරුව හානියට පත් අවයව නිවැරදිව පවත්වාගෙන යාමට ව්‍යායාම් අවශ්‍යයි. මේ සඳහා ව්‍යායාම් ලබා දීමත් මේ ඒකකයෙන් කෙරෙනවා. ඒ වගේම මුහුණේ පිළිස්සුම් තුවාල ලැබූවන් අන්ධ භාවයට පත්වීමේ ඉඩකඩ වැඩියි. මෙවැනි රෝගීන්ට තනිවම වැඩකර ගැනීම සඳහා අවශ්‍ය පුහුණුවීම් පවා මේ ඒකකයෙන් ලබා දෙනවා. රෝගියාට තමාගේ කටයුතු තමන් විසින්ම කර ගැනීමට හැකියාව ලැබෙන තුරු නේවාසික ප්‍රතිකාර ලබාදීම මේ ඒකකයෙන් කෙරෙනවා.
ඡායාරූප - ගයාන් පුෂ්පික
Article - 13th October 2010
පිළිස්සීමෙන් හානි වූ ජීවිත රැක දෙන ජාතික රෝහලේ පිළිස්සුම් ඒකකය
මිනිස්සිරුරේ බාහිරින් පෙනෙන වටිනාම අංගය වන්නේ සමයි.
ජාතික රෝහලේ පිළිස්සුම් සහ
ප්ලාස්ටික් සැත්කම් ඒකකයේ ප්‍රධානී ප්ලාස්ටික් ශල්‍ය විශේෂඥ වෛද්‍ය චාන්දනී පෙරේරා |
පිළිස්සුම්වලදී සමට විශාල ලෙස හානි වීමෙන් ඇතිවන විකෘතිතා නිසා පිළිස්සුම් තුවාල ලැබූ රෝගියා සමාජයෙන් වසන් වන්නට උත්සාහ දරන්නේ මානසික පීඩාව ද යටපත් කර ගෙනය.
සමේ පිළිස්සුම් මෙන්ම අභ්‍යන්තරිකව සිදුවන පිළිස්සුම් නිසාත් මානසිකවත්, ශාරීරිකවත් පීඩා විදින රෝගීන් සඳහා කොළඹ ජාතික රෝහලේ පිළිස්සුම් ඒකකයෙන් සිදුවන මෙහෙය අති විශාල ය.
පිළිස්සුම් ලැබූ රෝගියා නැවත පෙර තත්ත්වයට පත්කර ගැනීමට එහි කාර්ය මණ්ඩලය ගන්නා වෙහෙස පැසසිය යුතුය.
මෙරට පිළිස්සුම් අනතුරුවලින් වැඩි ප්‍රමාණයක් සිදු වන්නේ පවුල් අඩ දබර නිසා යැයි කීවොත් ඔබ පුදුම වනු ඇත. එයින් ද වැඩි වශයෙන් පිළිස්සුම් තුවාල ලබා රෝහල් ගත වන්නේ කාන්තාවන් වීම ද විශේෂත්වයකි.
මේ සියලු කාරනා පිළිබඳවත්, ජාතික රෝහලේ පිළිස්සුම් සහ ප්ලාස්ටික් සැත්කම් ඒකකය පිළිබඳවත් එහි ප්‍රධානී, ප්ලාස්ටික් ශල්‍ය විශේෂඥ වෛද්‍ය චාන්දනී පෙරේරා මහත්මිය අදහස් දැක්වූයේ මෙසේ යි.
මේ ඒකකයේ ප්‍රතිකාර කිරීමේ දී කණ්ඩායම් හැඟීම අත්‍යවශ්‍ය දෙයක්. පිළිස්සීම් අනතුර හරිම විශේෂයි. පිළිස්සීම නිසා කැළලි ඇති වෙනවා. කැළලි නැති පිළිස්සීම් සියුම් පිළිස්සීම් හැටියට යි ගැනෙන්නේ.
පිළිස්සුමේ ස්වභාවයේ හැටියට අනතුරේ හානිය වැඩි වෙනවා. මෙවැනි අවස්ථාවක දී රෝගියෙක්ට ප්‍රතිකාර ලබා දීමට කණ්ඩායමක් අවශ්‍ය යි. ඒ වගේම ඒ කණ්ඩායම විශේෂ පුහුණු ලැබූවන් විය යුතුයි.
එවැනි කාර්ය මණ්ඩලයක් සහිත එකම පිළිස්සුම් ඒකකය ජාතික රෝහලේ මේ ඒකකය යි.
දැනට මේ ඒකකය සතු සම්පත් රෝගීන්ට ප්‍රතිකාර ලබා දීමට ප්‍රමාණවත් නැහැ. මේ ඒකකයේ සිටිය යුතු බොහෝ රෝගීන් නවතා ඉන්නේ ජාතික රෝහලේ වෙනත් ශල්‍ය වාට්ටුවලයි.
පිළිස්සීම් ඒකකයෙන් කළ යුතු දේවල් කරන්නේ මේ ශල්‍ය වාට්ටුවලින්. ඒ නිසා රෝගීන්ට වඩාත් හොඳ සේවයක් ලබා දෙන්න මේ ඒකකය මීට වඩා දියුණු තත්ත්වයට පත්කළ යුතු වෙනවා.
සතියක දී මේ ඒකකයෙන් ප්‍රතිකාර ලබන රෝගීන් ගණන 50 කට වැඩියි. මේ අයට ශල්‍යකර්ම, කැළලි මැකීම්, පුනරුත්ථාපනය, ව්‍යායාම්, අස්ථි විකෘතිතා සඳහාත් ප්‍රතිකාර කරනවා.රෝගීන් පුනරුත්ථාපනයේ දී සමහර රෝගීන්ට වසර ගණනාවක් ප්‍රතිකාර කළ යුතුයි.
සාමාන්‍ය අනතුරක දී ශල්‍ය කර්මයකින් පසු තුවාල සිදුවීමෙන් රෝගියා සුවය ලබනවා. නමුත් පිළිස්සීමක දී කැළලි ඝන වෙලා විකෘති වීම් වළක්වන්න අවුරුදු ගණනාවක් ප්‍රතිකාර කළ යුතුයි. ඒ වගේම රෝගියාට මානසික ප්‍රතිකාරත් ඉතා වැදගත්. රෝගීන්ට එකම වෛද්‍ය කණ්ඩායමක් වසර ගණනාවක් ප්‍රතිකාර ලබාදීම කරන එකම ඒකකය මේ ඒකකයයි.
පිළිස්සුම් අනතුරක දී ජාතික රෝහලට ඇතුල් වන රෝගියා පළමුව යා යුත්තේ හදිසි අනතුරු අංශයට යි. ඊට හේතුව පිළිස්සුම් අවස්ථාව හදිසි අනතුරක් වීමයි. හදිසි අනතුරු ඒකකයට ඇතුළත් වන රෝගියා එහිදී සාමාන්‍ය ප්‍රතිකාර ලබා ගැනීමෙන් පසු පිළිස්සුම් ඒකකයට ඇතුළත් කෙරෙනවා.
පිළිස්සුම් රෝගියෙක් රෝහලට ඇතුළත් කළ පළමු අවස්ථාවේ දීම කළ යුත්තේ ගලා යන ජලයෙන් විනාඩි 20 ක් ශරීරයේ පිළිස්සුනු ස්ථානය සෝදා හැරීමයි. ඒ දේ රෝගියා රෝහලට ගෙන ඒමට පෙර කළ හැකි නම් වඩාත් සුදුසුයි. මෙසේ ඇල් ජලයෙන් පිළිස්සුනු ස්ථානය සෝදා හැරීම නිසා දිය පට්ට එනවා යැයි සමහරු කියනවා.
දිය පට්ට යනු පිළිස්සුම් අවස්ථාවකදී මතුපිට හමින් එන ස්‍රාවයක්. දියපට්ටයක් තියෙනවා නම් පිළිස්සුම් වෛද්‍යවරුන් ලෙස අපි හරිම කැමතියි. පිළිස්සීමක දී දිය පට්ට දැමූ අවස්ථාවක් කියන්නේ ශරීරයේ ගැඹුරට සිදුව ඇති හානිය අවම තත්ත්වයක පැවතීම යි.
වතුර දැමීමෙන් අපි බලාපොරොත්තු වන්නේ පිළිස්සුම් තුවාලය ශරීර අභ්‍යන්තරයට යාම අවම කිරීමයි. අපි මේ ඒකකය හරහා මේ පණිවිඩය ගෙන යාමත් කරනවා.
මේ ඒකකයට එන රෝගීන්ගෙන් වැඩිම දෙනා උණු වතුර, ගිනි දැල් සහ ඇසිඩ් වලින් පිළිස්සුම් තුවාල ලැබූවන්. මෙයින් වැඩි දෙනෙක් ගෘහස්ථ ප්‍රචණ්ඩත්වය නිසා අනතුරට පත් වූවන්. ඒ වගේම වැඩි වශයෙන් අනතුරට පත්ව රෝහල් ගත වන්නේ කාන්තාවන්. එයට හේතුව ඔවුන්ගේ ආවේග පිට කිරීමට කාන්තාවන් උපයෝගී කර ගන්නා යම් යම් අනුවන ක්‍රියායි.
ඇසිඩ් ප්‍රහාරවලට ලක් වුවන්ගෙන් 90% කට හේතුව පෙම් සබඳතා හෝ අනියම් පෙම් සබඳතායි. එහිදී වැඩිම හානිය සිදුවන්නේ කාන්තාවන්ට වීම විශේෂයි. ඇසිඩ් ප්‍රහාරවලින් වැඩි ප්‍රමාණයක් සිදුව ඇත්තේ යම් කෙනෙක් විරූපී කිරීම සඳහා දැරූ උත්සාහයන් බව අපට පෙනී ගොස් තිබෙනවා.
මේ ඒකකයේ දී තිබෙන ප්‍රධාන ගැටලුවක් වන්නේ රෝගීන් සත්‍ය වසන් කිරීමයි. ඒ නිසා මේ වන විට විවිධ නීතිමය ගැටලු පවා ඇතිවී තිබෙනවා.
අපේ ශරීරයේ තිබෙන විශාලම අවයවය සමයි. මේ අවයවයෙන් 20% ක් පිළිස්සුනොත් විරූපී බවක් ඇති වෙනවා. මෙවැනි රෝගියෙක්ට විෂබීජ ශරීර ගතවීමේ හැකියාවත් වැඩියි.
රෝගියා ගේ ශරීරයෙන් 10% කට වඩා පිළිස්සී ඇත්නම් එම රෝගියා කම්පනයට පත්වෙනවා. එවැනි රෝගීන්ට සේලයින් ලබා දෙනවා.
පිළිස්සීමෙන් ඇතිවන ශ්වසන ආබාධ සඳහාත් ප්‍රතිකාර කළ යුතුයි. ඉන් අනතුරුව රෝගියාට විෂබීජ ඇතුල් නොවීම සඳහා සිල්ව සල්ප ඔක්සින් නැමති විෂබීජ නාශක ආලේපය ගල්වා වෙලුම් පටිවලින් වෙලීම කරනවා.
රෝගියාගේ පිළිස්සී ඇති හන්දිවලට පතුරු යෙදීම කරනවා. පිළිස්සුණු රෝගියෙක් හැම විටම හැකිලී ඉන්න උත්සාහ කරනවා. මේ තත්ත්වය නිසා පසුකාලීනව විකෘතිතා ඇති වෙනවා. එවිට රෝගියා සුව කිරීම සඳහා ශල්‍යකර්ම වැඩි වශයෙන් කළ යුතුයි. පිළිස්සුම් අවස්ථාවක දී ඇතිවන විකෘති තා මඟ හරවා ගන්න පීඩන ඇදුම් ඇන්දවීම කළ යුතුයි. මේ පීඩන ඇඳුම් සැකසීම පවා කරන්නේ මේ ඒකකයෙන්. මේ ඇඳුම් මැසීම සඳහා මේ ඒකකයෙන් සුවය ලැබූ රෝගියෙක් පුහුණු කර ඔහු ගේ සේවය ලබා ගන්නවා.
පීඩන ඇඳුම් ඇන්දවීමෙන් අනතුරුව හානියට පත් අවයව නිවැරදිව පවත්වාගෙන යාමට ව්‍යායාම් අවශ්‍යයි. මේ සඳහා ව්‍යායාම් ලබා දීමත් මේ ඒකකයෙන් කෙරෙනවා. ඒ වගේම මුහුණේ පිළිස්සුම් තුවාල ලැබූවන් අන්ධ භාවයට පත්වීමේ ඉඩකඩ වැඩියි. මෙවැනි රෝගීන්ට තනිවම වැඩකර ගැනීම සඳහා අවශ්‍ය පුහුණුවීම් පවා මේ ඒකකයෙන් ලබා දෙනවා. රෝගියාට තමාගේ කටයුතු තමන් විසින්ම කර ගැනීමට හැකියාව ලැබෙන තුරු නේවාසික ප්‍රතිකාර ලබාදීම මේ ඒකකයෙන් කෙරෙනවා.
සුළු පිළිස්සුම් තුවාල ලැබුවන් මේ ඒකකයෙන් ප්‍රතිකාර ලබා එදිනම නිවෙස් බලා යන අවස්ථා තිබෙනවා.
දරුණු පිළිස්සුම් අවස්ථාවක දී රෝගියා පමණක් නොවෙයි, රෝගියාගේ පවුලේ අයත් මානසික ඇද වැටීමකට ලක්වෙනවා. එවැනි අවස්ථාවල දී මනෝ වෛද්‍ය වරයෙක් හරහා රෝගියාටත් පවුලේ අයටත් මානසික උපදේශන ලබා දෙනවා. පිළිස්සුම් තුවාල ලැබූ අයගේ කැලලි මැකීම සඳහා වසර ගණනාවකට පසුවත් මේ ඒකකයට පැමිණෙනවා. අප ඔවුන්ට ප්ලාස්ටික් ශල්‍යකර්ම කරනවා.
බොහෝ විට පිළිස්සුම් තුවාලවලට ශල්‍යකර්ම හා අනෙක් ප්‍රතිකාර කළ හැකියි. ඒත් පුනරුත්ථාපනය හා ප්ලාස්ටික් ශල්‍යකර්ම කර කැළලි ඉවත් කරන ඒකකයක් සමඟ ඇති ස්ථාන ලෝකයේ ඉතාම අඩුයි. ඒ අතින් මේ ඒකකය ඉතා වැදගත් සේවයක් සපයනවා. එදා යුද්ධයෙන් පිළිස්සුම් තුවාල ලැබූ යුද හමුදා සෙබළුන් තවමත් මේ ඒකකයෙන් ප්‍රතිකාර ලබනවා.
ලංකාවේ ඕනෑම තැනකින් මේ ඒකකයේ පවත්වන සායනයට පැමිණෙන රෝගීන් සඳහා ප්‍රතිකාර ලබාදීමත් කෙරෙනවා.
සඳුදා දිනයන් හිදී පෙ. ව. 8 සිට ප. ව. 3 දක්වා රෝගීන් සඳහා සායන පවත්වනවා. මෙහිදී වෙනත් රෝහල්වලින් මේ ඒකකයට යොමු කරන රෝගීන් සඳහාත් ප්‍රතිකාර ලබාදීම කෙරෙනවා.
කොළඹ ජාතික රෝහලේ ජලභීතිකා ඒකකය
ඔබේ ආදරය හිරකර තබන්නට ඔබ කැමති නැතුවා ඇති. එහෙත් ඔබේ ආදරය ඔබ සිරකර තබන අවස්ථා බොහෝ ඇති බව ඔබට කීවොත් ඔබ මවිතයට පත්වනවා නිසැකය.
ඔබ ආදරය කරන බොහෝ සතුන් සිර කූඩුවක දමා ඇති කිරීම ඔබේ ආදරය සිරකර තැබීමක් වැනිය. ඔබ සිත් පිත් ඇති ආදරය හඳුනන්නෙක් නම් සැබවින්ම සුරතල් සතුනට නිදහසේ ජීවත්වීමට ඉඩ දිය යුතුය.
වනාන්තරවල නිදහසේ ජීවත් විය යුතු බොහෝ සතුන් ඔබ නිවසට ගෙනවිත් කූඩු කරනුයේ එම සතුන්ට ඇති ආදරය නිසාය. ඔබ නිවසට ආදරයෙන් රැගෙන එන බොහෝ සුරතල් සතුන් ඔබට හෝ ඔබේ හිතවතුනට මරු කැඳවන්නට හේතුවක් බව ඔබ නොදන්නවා විය හැකිය.
ජලභීතිකාව කියූ විගස අප සිහියට එන්නේ සුනඛයින්ය. එහෙත් ජලභීතිකාව පතුරුවන්නේ සුනඛයින් පමණක් නොවේ. ඔබ ආදරයෙන් ඇති කරන වෙනත් ක්‍ෂිරපායි සුරතල් සතුන්ගෙන්ද ජල භීතිකාව බෝවන අවස්ථා ඇත.
ජලභීතිකා රෝගීනට ප්‍රතිකාර කිරීම සඳහාම වෙන්වූ කොළඹ ජාතික රෝහලේ ජලභීතිකා ප්‍රතිකාර ඒකකය පිළිබඳව මෙවර අදහස් දක්වන්නේ එහි ජ්‍යෙෂ්ඨ වෛද්‍ය නිලධාරී අමිල දර්ශන ගුණසේකර මහතායි.
ජලභීතිකාව වැළදෙන්නේ බල්ලන් සපා කෑමෙන් පමණක් නොවෙයි. ඕනෑම ක්ෂීරපායි සතෙක් සපා කෑමෙන් ජල භීතිකාව වැලදිය හැකියි. අලියෙකුගේ කෙළ වලින් පවා ජල භීතිකාව වැළඳීමට පුළුවන්.
මේ රෝගය වැළඳුනොත් ප්‍රතිකාර නැහැ. මරණය පමණයි හිමි වන්නේ. ජල භීතිකාව ශරීරයට ඇතුළු වුණා යැයි සැක ඇති විට එය වළක්වා ගන්න කරණ ප්‍රතිකාර පමණයි තවම තිබෙන්නේ.
මේ ඒකකය පටන් ගන්නට පෙර ජල භීතිකා රෝගීන් බාහිර ප්‍රතිකාර ඒකකයට පැමිණ ප්‍රතිකාර ලබා ගත්තා. එහිදී රෝගීන් මෙන්ම වෛද්‍යවරුන් විවිධ අපහසුතාවන්ට ලක් වුණා. ඒ නිසා අපි ජාතික රෝහලේ ජල භීතිකා රෝගීන් සඳහා වෙනම ඒකකයක් පටන් ගත්තා.
මේ ඒකකය සඳුදා සිට සෙනසුරාදා දිනවල උදේ 8 සිට සවස 6 දක්වා විවෘතයි. ඉරිදා දිනවල උදේ 8 සිට සවස 4 දක්වාත් පෝය සහ සෑම රජයේ නිවාඩු දිනකම මේ ඒකකයේ ප්‍රතිකාර ලබා දෙනවා.
සතෙක් සපා කෑමෙන් පසු මේ ඒකකයට එන්න රෝගියෙක්ට කිසිම වෙනත් යොමුකිරීමක් අවශ්‍ය නැහැ. බාහිර ප්‍රතිකාර ඒකකයට නොගොස් කෙලින්ම මේ ඒකකයට රෝගීන්ට යොමු විය හැකියි. ජාතික රෝහලේ දෙකේ කාමරයට පැමිණ ප්‍රතිකාර ලබාගෙන එදිනම පිටව යා හැකි වීමත් වැදගත්.
ඉඳුල් කන්න දීල හදන්න බල්ලො ගෙදර ගේන්න එපා
මේ ඒකකයට පැමිණෙන රෝගීන්ට රතු හෝ නිල් වර්ණ සහිත අංකයක් ලැබෙනවා. පළමු වරට පැමිණෙන රෝගීන්ට එක් වර්ණයකුත් දෙවන වරට පැමිණෙන රෝගීන්ට තවත් වර්ණයකුත් ලැබෙනවා.
මේ අංක පිළිවෙලට රෝගීන් පරීක්ෂා කිරීම කෙරෙනවා. ඉන් පසු අවශ්‍ය එන්නත් බෙහෙත් හා තුවාල වලට මැහුම් යෙදීමත් කරනවා. අපි රෝගියෙක් සමග වැඩි වේලාවක් කතා කරනවා. රෝගියා ගේ සියලු තොරතුරු අපිට වැදගත්. ඊට හේතුව ජල භීතිකා ප්‍රතිකාර ලබා ගන්නා රෝගීන් සමග දීර්ඝ කාලීනව වෛද්‍යවරයා සම්බන්ධ විය යුතු නිසයි.
රෝගියාව සපා කෑ සතා පිළිබඳවත් කලින් ලබාදී ඇති එන්නත් පිළිබඳවත් ආසාත්මිකතා ඇත්ද යන්නත් තොරතුරු ඉතා වැදගත්. එමෙන්ම තමන්ව සපා කෑ සතා පිළිබඳ තොරතුරු රැගෙන ඒම ප්‍රතිකාර පහසු කරවීමක් සපා කෑ සතාට එන්නත් ලබාදුන් වාර්තා රැගෙන ඒම ඉතාම වැදගත්.
බොහෝ දෙනෙක් රෝහලට පැමිණ සතාට බෙහෙත් විද ඇති බව කියනවා.නමුත් කට වචනයෙන් කියන දේ අපිට පිළිගන්න බැහැ. එහෙම ප්‍රතිකාර කරන්න ගිහින් වැරදුණු අවස්ථා තියෙනවා.
අවුරුදු 18 කට අඩු අයෙක් වයසට පත් අයෙක් හෝ මන්ද බුද්ධික කෙනෙක් නම් භාරකරුවෙක් සමග පැමිණීම වැදගත්. විශේෂයෙන්ම රෝගියා රෝහලට ගෙන ඒමට පෙර සතා සපා කෑ තුවාලය සහිත පෙදෙස හොඳින් සබන් යොදා ගලා යන ඇල් දියෙන් සෝදා හැරීම කළ යුතුමයි.
ජලභීතිකා රෝගීන්ට ලබාදෙන ප්‍රතිකාර අතට බෙහෙත් එන්නත් කිරීම සහ තුවාලයට බෙහෙත් එන්නත් කිරීම ලෙස දෙයාකාරයි.
ජලභීතිකා එන්නත පසුගිය වසර දෙක පුරා ක්‍රමවත් ලෙස සතාට ලබාදී නිදැල්ලේ නොයවන සතුන් ආරක්ෂාකාරී සතුන් ගණයට වැටෙනවා ගෙදර ඇති කරන පූසෙක් වූවත් බෙහෙත් එන්නත් කළ යුතුයි.
ක්‍රමවත් ආකාරයට බෙහෙත් එන්නත් කළ සතෙක් සපා කා ඇත්නම් හා සපා කන අවස්ථාවේදී එම සතාට වෙනත් රෝගි තත්ත්වයක් නැත්නම් රෝගියාට ජලභීතිකා එන්නත් කිරීම පටන් ගන්නේ නැහැ.
රෝගියා තමන්ව සපා කෑ සතා පිළිබඳ නොදන්නවා නම් රෝගියාගේ් තුවාලයට බෙහෙත් එන්නත් කිරීම අනිවාර්යයි.
එහිදී රෝගියාට පැය කීපයක් මේ ඒකකයේ රැඳී සිටිය යුතු වෙනවා. විශේෂයෙන් රෝගියා රෝහලට පැමිණීමට පෙර හොඳින් ආහාර ගෙන පැමිණිය යුතුයි.
තුවාලයට බෙහෙත් එන්නත් කිරීමෙන් පසු බොහෝ රෝගීන්ට විවිධ අසාත්මිකතා ඇතිවෙනවා. අතට පමණක් බෙහෙත් එන්නත් කරන රෝගීන්ට එම මොහොතේම රෝහලෙන් පිටව යා හැකියි.
සතුන් සපා කෑ විට ජලභීතිකාව සඳහා එක් දවසින් බෙහෙත් එන්නත් කරන ක්‍රමයක් ලෝකයේ කොහෙවත් නැහැ. එවැනි මතයක් ඇත්නම් එය වැරදියි. ජලභීතිකා එන්නත් ලබාගන්නා රෝගීන් දින 3 න්, දින 7 න්, දින 30 න් සහ දින 90 න් බෙහෙත් එන්නත් කරවා ගත යුතුයි.
මේ රෝගීන්ගේ එම කාලය තුළ සිදුවන සියලු වෙනස්වීම් අපි නිරීක්‍ෂණය කරනවා. ඊට අමතරව තමන්ව සපා කෑ සතාට ඇතිවන තත්ත්ව ගැන දින 14 ක්වත් රෝගියා අවධානයෙන් සිටිය යුතුයි.
එම සතාගේ රෝගී තත්ත්ව, සතාගේ පිටුපස පාද පණ නැති වීමක් හෝ වෙනදාට වඩා සැර පරුෂ බවක්, කෑම නොගැනීම වැනි තත්ත්ව සතා පෙන්නුම් කරන්නේ නම් රෝගියාට ලබා දෙන බෙහෙත් ප්‍රමාණය වැඩි කළ යුතුයි. දින 30 ක් වන විට තමන්ව සපා කෑ සතා නිරෝගීව ජීවත්ව සිටී නම් රෝගියා දින 30 කින් රෝහලට පැමිණි පසු බෙහෙත් නතර කළ හැකියි.
නිවසේ සිටින මීයන් සපා කෑමෙන් ජලභීතිකාව හෝ සුදුකබර රෝගය ඇතිවන්නේ නැහැ. එය මිත්‍යා මතයක්. නමුත් ඌරුමීයන් සපා කෑමෙන් ජලභීතිකාව වැළඳෙනවා.
ක්ෂීරපායි සතෙක් සපා කෑමෙන්, අපේ තුවාලයක් ලෙව කෑමෙන්, සතෙක්ගේ කෙළ අපේ තොල, නාසය වැනි ශේෂ්මල පටල ඇති තැන්වල ගෑවීම නිසා ජලභීතිකාව සෑදිය හැකියි.
මේ නිසා රෝගී සතෙකුට ප්‍රතිකාර කිරීමේදී ඉතා පරිස්සම් විය යුතුයි. සමහර මිල අධික බෙහෙත් තිබෙන්නේ මේ ඒකකයේ පමණයි. ලංකාවේ කුමන පළාතකින් මේ ඒකකයට පැමිණියත් අපි ප්‍රතිකාර කරනවා.
මේ ඒකකය පවත්වාගෙන යාමට විශේෂ පුහුණු කාර්ය මණ්ඩලයක් සිටිනවා. රෝහල් අධ්‍යක්‍ෂතුමා ඇතුළු සියලුම දෙනා ජලභීතිකා ඒකකය පවත්වාගෙන යන්න විශේෂ අනුග්‍රහයක් දක්වනවා.
රෝගියාට අවශ්‍ය සියලු ප්‍රතිකාර මේ ඒකකයෙන් ලබා දෙනවා. ප්‍රතිජීවක ඖෂධ පවා මේ ඒකකයෙන් ලබා දෙනවා.
සුරතල් සතුන් ඇතිකරන්නන්ට දිය හැකි උපදේශයක් තියෙනවාද?
සතෙක් නිවසට ගේන්න ඉස්සර අපි සිතිය යුත්තේ මේ සතා අපට අවශ්‍යද යන්නයි. ගෘහාශි‍්‍රත සත්තු ඇරෙන්න කැලෑවට අයිති සත්තු ලස්සනට හදන්න, බලන්න ගෙදර ගේන්න එපා.
අපිව කු®ඩුවක දාලා අපිව හිරකරනවාට අපි කැමති නැහැ. ඒ වගේම අනිත් සතුන්ගේ නිදහස නැති කරන එකත් මහා පවක්. ඒ වගේම නිවසට බලු පැටියෙක් ගේනකොට හිතන්න මට දරුවො ඉන්නවා.
මට මේ බලු පැටිය ඕනද? බලුපැටියට කන්න දෙන්න පුළුවන්ද? මේ බලු පැටියා ලොකු වෙලා ලොකු බල්ලෙක් වෙනවා. එයාට අපිට දෙන්න තැනක් තියෙනවද? නියමිත වෙලාවට එන්නත් දෙන්න පුළුවන්ද? ඉඳුල් කන්න දීල හදන්න බල්ලො ගෙදර ගේන්න එපා. අපි දරුවෙක් එහෙම හදන්නෑනෙ.
කැලෑවට අයිති සත්තු ගෙදර ගේන්න එපා
තමන්ගෙ ආරක්‍ෂාවට බුරන්න, ඉඳුල් කන්න දීල පයින් ගහල සත්තු හදන්න එපා. හිංසාවට පත්වෙච්ච සතා තමයි කන්නෙ.
ගොඩක් දෙනෙක් හිතනව සත්තු මරල මේ ප්‍රශ්නෙට විසඳුමක් තියෙනව කියල. එහෙම නැහැ. කොච්චර කියල මරන්නද? දඩාවතේ යන බල්ලන්ට වඳ සැත්කම් කරනවා. ඒ ක්‍රියාමාර්ගය සාර්ථකයි. නිවසට බල්ලෙක්, පූසෙක් ගෙනාවොත් සති 6 න්, මාස 3 න්, අවුරුද්දෙන් සතාව එන්නත් කරවන්න.
මේ සතුන්ව එන්නත් කරවනකල් හුරතල් කරන්න යන්න එපා. අවුරුද්දක්පතා සත්තු එන්නත් කරවල වාර්තා තියාගන්න. කාව හරි තමන්ගෙ සතා කෑවොත් ඒ රෝගියාට අවශ්‍ය සහාය දෙන්න. තමන්ගේ හුරතල් සතා ගැට ගහල නිවස තුළ හදන්න.
මම දැකපු නරකම තුවාලෙ සතෙක් මනුස්සයෙක්ගෙ ඇස් දෙකම කාලා, ඇඟිලි කාලා. ඒ කාලා තියෙන්නේ තමුන්ගේ ගෙදර බල්ලා. ඒ නිසා ඇතිකරන හුරතල් සතුන්ගෙන් පවා අපි පරිස්සම් විය යුතුයි. ඇයි එහෙම කන්නෙ සතාව හදන ක්‍රමයෙ වරදක් නිසා. පීඩාවට පත්වෙන්න සත්තු හදන්න ඕනද?
ගෙදර ඉතුරුවෙන ඉඳුල් පාරෙ දාල බල්ලො පූසො පුරුදු කරන එක මහා පවක්. මේ සත්තු පාරේ යන අයව කනව. මේ අයට ප්‍රතිකාර කරන්න ඕන. රජයේ වියදම මේ නිසා වැඩිවෙනවා.
පිනට සත්තුන්ට යමක් දෙනව නම් ඒක ක්‍රමවත් විදියට කරන්න. එහෙම නැතුව අපේ ඉඳුල් පාරෙ දාල සත්තුන්ව එතෙන්ට ගෙන්න ගෙන මහ විනාශයක් කරන්න එපා.
ගෘහාශි‍්‍රතව හදන්නෙ බල්ලෙක්, පූසෙක් විතරයි. අනික් සතුන් කැලේ වසන සතුන්. ඇයි අපි මේ සත්තු අපේ භාරයට අරන් විඳවන්නෙ. දඬුලේනා, වඳුරා, රිලවා, කළවැද්දා, වව්ලා වැනි කැලෑ සතුන් ඇතිකරන එක නීතියටත් විරුද්ධයි. මේ සතුන්ට ජලභීතිකා එන්නත් අත්හදා බලල නැහැ. ඒ නිසා එවැනි අනවශ්‍ය සතුන් සුරතලයට ඇතිකිරීම ඉතාම භයානකයි.
ඡායා – ප්‍රබෝධි ලංකා
ස්නායු රෝග සඳහා සියලු පරික්ෂණ කෙරෙන ජාතික රෝහලේ සිනායු රෝග ඒකකය
මිනිස් ශරීරයේ වැදගත් ඉන්ද්‍රියන් අතර ස්නායුවලට හිමිවන්නේ විශේෂ ස්ථානයකි. මේවා රෝගී වීමෙන් මිනිසා සම්පූර්ණයෙන්ම අකර්මන්‍ය තත්ත්වයට වූවද පත්විය හැකියි. මේ නිසා ස්නායුගත රෝගී තත්ත්වවලදී අප බොහෝ පරෙස්සම් විය යුතුය.
ස්නායු රෝගීන් සඳහාම වෙන්වූ ජාතික රෝහලේ ස්නායු රෝග ඒකකයෙන් සිදුවන්නේ සුවිශාල සේවාවකි. සියලු පහසුකම්වලින් සමන්විත, ස්නායු රෝග සඳහා සියලුම පරීක්ෂණ සිදුකරන මෙරට එකම ඒකකය මේ ඒකකය යැයි කීවොත් එය නිවැරැදියි.
ස්නායුගත රෝගීන්ට සෙත සඳහා ජාතික රෝහලේ ස්නායු රෝග ඒකකය පිළිබඳ අදහස් දක්වන්නේ ,එහි ජ්‍යෙෂ්ඨ ලේඛකාධිකාරි වෛද්‍ය දුමින්ද සමරවික්‍රම මහතායි.
“මේ ඒකකයේ ප්‍රතිකාර සේවාව කොටස් තුනකින් සමන්විතයි. රෝගවලට ප්‍රතිකාර කිරීම, රෝග නිවාරණය, වෛද්‍යවරුන්, හෙද කාර්ය මණ්ඩල, හා වෙනත් සෞඛ්‍ය කාර්ය මණ්ඩල පුහුණු කිරීම එම සේවාවන් අතර වෙනවා.
ස්නායුගත රෝග ඇති අයට අවශ්‍ය හදිසි ප්‍රතිකාර ලබාදීම, දිගුකාලීන ස්නායු රෝග ඇති අයට නේවාසික ප්‍රතිකාර ලබාදීම හා හදිසි හෝ නේවාසික ප්‍රතිකාර අවශ්‍ය නොවන අයට සායනික ප්‍රතිකාර ලබා දීමත් මේ ඒකකයෙන් සිදුවන සේවාවන් වෙනවා.
රෝග නිවාරණ අංශය මගින් ආඝාතය (අංශභාගය) දියවැඩියාව, අධි රුධිර පීඩනය වැනි ස්නායුගත රෝග සඳහා බලපෑමක් කළ හැකි රෝගවලින් වැළකීමට ගත යුතු පියවර හා ආහාර රටාවන් පාලනය කරගත යුතු ආකාරය ගැනත් රෝහලෙන් බාහිරවත්, රෝහල තුළත් ජනතාව දැනුවත් කිරීම් කෙරෙනවා.
ජංගම සායන මගින් රෝගී ජනතාවට අවශ්‍ය ප්‍රතිකාර ලබාදීමත් මේ ඒකකයෙන් කරන සේවාවක් වෙනවා.
මේ ඒකකයේ විශේෂ පුහුණුවීම් ලබන කාර්ය මණ්ඩල අතර වෛද්‍යවරුන්, හෙද කාර්ය මණ්ඩලය, වීඩියෝ තෙරපි, වෛද්‍ය සිසුන්, පශ්චාත් උපාධි හදාරණ වෛද්‍ය සිසුන්, කථන ශිල්පීන්, භෞතවේදීන් ඇතුළත් වෙනවා.
ස්නායුගත රෝගවලදී හදිසි ප්‍රතිකාර අවශ්‍ය රෝගීන් (නියුරොලොජිකල් ඉමජන්සි (neurological) ස්නායු දැඩිසත්කාර ඒකකයට යොමු කරනවා. මොළයේ ස්නායු පටකය අවට තිබෙන මෙනිංජයිටීස් ප්‍රවාහය, එන්සෙපලයිටීස් (මොළයේ උණ) වැනි තදබල ආසාධන ඇති රෝගීන් කඩිනමින් දැඩිසත්කාර ඒකකයට යොමුකළ යුතුයි.
ආඝාත රෝගියෙක් පැය 4 ක් ඇතුළතවත් මේ ඒකකයට යොමු වූවොත,් ආඝාතයට හේතුවන රුධිර කොටස දිය කර හැරීමට අවශ්‍ය ඖෂධ ලබාදිය හැකියි. මේ සේවාව මෙරට වෙනත් රෝහල් කිසිවක නැහැ.
මධ්‍යම ස්නායු පද්ධතියේ හෝ වෙනත් ස්නායුගත රෝගයක් සම්බන්ධව වෛද්‍යවරයකුගේ යොමු කිරීමකින් මේ ඒකකයට පැමිණෙන රෝගීන්ට නේවාසික ප්‍රතිකාර අවශ්‍ය නම්, ඒ සඳහා අවශ්‍ය පහසුකම් ලබා දෙනවා.
රෝගීන්ට අවශ්‍ය සියලුම පරීක්ෂණ මේ ඒකකයෙන් නොමිලේ ලබා දෙනවා. එම්. ආර්. අයි., සී. ටී. ස්කෑන් පරීක්ෂණ මේ අතර විශේෂයි.
මොළයට ලේ සපයන ප්‍රධාන හා සෙසු රුධිර වාහිනීවල ලේ කැටියක් සිරවීමෙන් මොළයේ අදාළ කොටසට රුධිර සැපැයුම නැතිවීම හෝ රුධිර වාහිනීයක් පිපිරීම මගින් මොළයේ අභ්‍යන්තර ලේ වහනයක් සිදුවීම නිසා රෝගියාගේ ශරීරයේ පැත්තක අප්‍රාණික බව ඇති විය හැකියි.
මෙවැනි ස්නායුගත රෝග සඳහා පරීක්ෂණ කෙරෙන්නේ ජාතික රෝහලේ ස්නායු රෝග ඒකකයේ පමණයි. මේ නිසා මෙරට සෑම රෝහලකින්ම පරීක්ෂණ සඳහා පමණක් රෝගීන් මේ ඒකකයට යොමු කරනවා. පරීක්ෂණවලින් පසු එම රෝගීන් නැවත අදාළ රෝහල්වලට යොමු කරනවා.
මේ ඒකකයට ඇතුළත් වන රෝගීන්ට කීප ආකාරයකට ප්‍රතිකාර ලබා දෙනවා. ඖෂධ ප්‍රතිකාරවලට අමතරව රෝගීන් පුනරුත්ථාපනය විශේෂ තැනක් ගන්නවා.
ආඝාත රෝගීන්ට ටික දිනකින් ආඝාත තත්ත්වය සුව අතට හැරෙනවා. ඒත් සමහර රෝගීන්ට කතා කිරීමේ අපහසුතා ඇතිවිය හැකියි. එවැනි රෝගීන්ට කථනය පුහුණු කිරීමේ ඒකකය හරහා රෝගියාට නැවත කතා කිරීමේ හැකියාව ලබා දෙනවා.
ආඝාත රෝගීන් සඳහා විවිධ ව්‍යායාම් ලබා දෙනවා. මේ ව්‍යායාම් නිසා රෝගීන් ක්‍රම ක්‍රමයෙන් සුව අතට හැරෙනවා. මේ සඳහා භෞත චිකිත්සකයන්ගේ සහාය ලබා ගන්නවා. ඔවුන් රෝගීන් පිළිබඳ පෞද්ගලිකවම සොයා බැලීම් කරනවා.
ආඝාතය හෝ වෙනත් ස්නායු රෝග නිසා තමන්ගේ ජීවන වෘත්තිය කරගත නොහැකි රෝගීන්ද මේ ඒකකයට යොමු වෙනවා. ඔවුන්ට වෘත්තීය චිකිත්සකයින් (ඔකියෝ පේෂනල් තෙරපි occupational therapy) හරහා තම ජීවනෝපාය සඳහා අවශ්‍ය දක්ෂතා ඇති කර ගැනීමට අවශ්‍ය පුහුණුවීම් ලබා දෙනවා.
මෙවැනි රෝගීන් බොහෝ ප්‍රමාණයකට අපි හොඳ සේවයක් ලබා දී තිබෙනවා. බොහෝ දෙනෙකුට අසනීප තත්ත්වය ගැන පවා නොසලකා හොඳින් ජීවන තත්ත්වය පවත්වාගෙන යාමට අවශ්‍ය පරිසරය මේ නිසා ඇති වී තිබෙනවා.
ස්නායුගත ආබාධ සහිත රෝගීන්ගේ මානසික තත්ත්වය හොඳ තත්ත්වයෙන් පවත්වාගෙන යාම ඉතා වැදගත්. මෙවැනි රෝගීන්ගේ මානසික තත්ත්වය ඉතා ඉක්මනින් බිඳ වැටෙනවා.
ඒ නිසා ඔවුන්ට මානසික උත්තේජනය ලබාදීම සඳහා සමාජ සේවා දෙපාර්තමේන්තුවෙන් වෘත්තීය නිපුණත්වයට පත් මානසික උපදේශකයෙක් මේ රෝගිසැනින් මානසික අවපීඩනය නැති කොට රෝගියා හොඳ මානසික තත්ත්වයකට ගෙන ඒමට අවශ්‍ය උපදේශනය ලබාදීමත් මේ ඒකකයේ කාර්යයක්.
ඒකකයට ලබා දුන්නා.
ස්නායුගත රෝග තත්ත්ව නිසා ආර්ථික වශයෙන් දුර්වල වුණු රෝගීන්ට සමාජ සේවා දෙපාර්තමේන්තුව හරහා අවශ්‍ය පහසුකම් ලබාදීමත් මේ ඒකකය හරහා සිදුවෙනවා. මේ කටයුත්ත සඳහා සමාජ සේවා දෙපාර්තමේන්තුවේ නිලධාරියෙක් සේවයට යොදවා තිබෙනවා. මේ කටයුතු සඳහා අවශ්‍ය ප්‍රතිපාදන සමාජ සේවා දෙපාර්තමේන්තුව මගින් මේ ඒකකය සඳහා වෙන්කර තිබෙනවා.
ස්නායු රෝගය වැළදීමට පෙර රෝගියා යම් වෘත්තියක නියැලී සිටියේ නම්, වැළදී ඇති රෝග තත්ත්වය නිසා එම වෘත්තීය කළ නොහැකිනම්, ඔහුට කළ හැකි වෙනත් වෘත්තියක් සඳහා අවශ්‍ය පුහුණු වීම් ලබාදීමත් අප විසින් කරනවා. රෝහලේ ප්‍රතිකාර සේවාවට අමතරව රෝගියාට ජීවන වෘත්තියකට යාමට අවශ්‍ය මංපෙත් සලසාදීමත් අපෙන් ඉටුවන සුවිශේෂ සේවයක්. රෝගීන්ට ජීවිත අභියෝග ජයගත හැකි පරිසරයක් සකසාදීම අපේ යුතුකමක්.
මේ ඒකකයට රෝගීන් ඇතුඵත්වීම ක්‍රම කීපයකට වෙනවා. ජාතික රෝහලේ බාහිර රෝගී අංශයේ වෛද්‍යවරයකුගේ නිගමනය මත මේ ඒකකයට රෝගීන් ඇතුළත් වෙනවා. ඊට අමතරව වෙනත් වෛද්‍යවරයෙක් විසින් ස්නායු රෝග තත්ත්වයක් සඳහා ප්‍රතිකාර නියම කරන ලද රෝගීන්, විශේෂඥ වෛද්‍යවරයා විසින්ම මේ ඒකකයට යොමුකරන රෝගීන්, වෙනත් රෝහල්වලින් මේ ඒකකයේ විශේෂ ප්‍රතිකාර සඳහා යොමුකරන රෝගීන් සහ අපේ සායන වෙත යොමුකරන රෝගීන් මේ අතර වෙනවා.
ස්නායු රෝග ප්‍රධාන වශයෙන් කොටස් දෙකයි. වෛද්‍යමය ප්‍රතිකාර අවශ්‍ය රෝගී තත්ත්ව සහ ශල්‍යමය ප්‍රතිකාර අවශ්‍ය රෝගී තත්ත්වයි. හදිසි අනතුරක් වූ විට හිතේ සිදුවන තුවාලයක් නිසා ඇතිවන අභ්‍යන්තර රුධිර වහනයකදී වෛද්‍ය ප්‍රතිකාරවලට වඩා අවශ්‍ය වන්නේ ශල්‍යමය ප්‍රතිකාරයි.
ඒ සඳහා ස්නායු ශල්‍ය ඒකකයට රෝගීන් ඇතුළත් කළ යුතුයි. වෙනත් ස්නායු රෝග තත්ත්වයකට ප්‍රතිකාර ගනිමින් සිටියදී එම රෝගියාට ශල්‍යමය ප්‍රතිකාර අවශ්‍ය වන විටද,ී රෝගීන් මේ ඒකකය හරහා ශල්‍ය ඒකකයට ඇතුළත් කරනවා.
එසේම ශල්‍ය ඒකකයේ ප්‍රතිකාරවලින් පසු ඇතිවන අභ්‍යන්තර රුධිර වහනයකදී, වෛද්‍ය ප්‍රතිකාරවලට වඩා අවශ්‍ය වන්නේ් ශල්‍යමය ප්‍රතිකාරයි. ඒ සඳහා ස්නායු ශල්‍ය ඒකකයට රෝගීන් ඇතුළත් කළ යුතුයි. වෙනත් ස්නායු රෝග තත්ත්වයකට ප්‍රතිකාර ගනිමින් සිටියදී, එම රෝගියාට ශල්‍යමය ප්‍රතිකාර අවශ්‍ය වන විටද, රෝගීන් මේ ඒකකය හරහා ශල්‍ය ඒකකයට ඇතුළත් කරනවා. එසේම ශල්‍ය ඒකකයේ ප්‍රතිකාරවලින් පසු මේ ඒකකයට යොමුකරන රෝගීන්ද සිටිනවා.
මොළය හා සුසුම්නාව සම්බන්ධ රෝගීන්, බාහිර ස්නායු පද්ධතිය සම්බන්ධ රෝගීන් හා මාංශ පේෂි සම්බන්ධ රෝගී තත්ත්ව ඇති රෝගීන් මේ ඒකකයට වැඩි වශයෙන් යොමු වෙනවා.
හිසරුදාව, ශරීරයේ කොටසක් පණ නැතිවීම, කෙටිකාලීනව හෝ දිගු කාලීනව මතක ශක්තිය අඩුවී යාම ස්නායු රෝගයක රෝග ලක්ෂණ විය හැකියි. හිරි වැටීම, ශරීරයේ හෝ ශරීර කොටසක දුර්වලතාවක් ඇතිවීම, බාහිර ස්නායු පද්ධතිය සම්බන්ධ රෝග ලක්ෂණ විය හැකියි.
ජීවිතයේ මුල් අවස්ථාවේදීම ස්නායු ආබාධ ඇතිවන රෝගීන්ද අපට හමු වෙනවා.
මේ ඒකකයට පැමිණීමට පෙර ඕනෑම රෝගියෙක් ස්නායු රෝගයක් ඇති බවට වෛද්‍ය නිර්දේශයක් ලබාගත යුතුයි. තමාට ස්නායු රෝගයක් ඇතැයි යමෙක නිගමනයකට ඇවිත්, වෛද්‍ය වාර්තා නොමැතිව මේ ඒකකයට යොමුවිය නොහැකියි.
මේ ඒකකයට ඇතුළත් වූ රෝගීන් පළමුව සාමාන්‍ය වෛද්‍ය නිලධාරින්ගේ පරීක්ෂාවට යොමු වෙනවා. රෝහල් වාට්ටුවල විශේෂඥ වෛද්‍ය පුහුණුව ලබන (ලේඛකාධිකාරී) වෛද්‍යවරුන්ගේ පරීක්ෂාවටත්, ජ්‍යෙෂ්ඨ ලේඛකාධිකාරින්ගේ පරීක්ෂාවටත්, ඉන්පසු ස්නායු විශේෂඥ වෛද්‍යවරයාගේ පරීක්ෂාවටත් රෝගීන් යොමු වෙනවා.
No comments:
Post a Comment
Note: Only a member of this blog may post a comment.